ХАЛЫҠ-АРА ҠАТЫН-ҠЫҘҘАР КӨНӨНӘ АРНАЛҒАН БАЙРАМДАР, ИРТӘЛЕКТӘР ҮТӘ

"Ҡурай" төркөмөндә лә әсәйҙәргә, өләсәйҙәргә арналған үҙенсәлекле байрам үтте. Кескәйҙәр "Тылсымлы ҡумта"лағы әсәйҙәр теләктәрен тормошҡа ашырып, үҙҙәренең һәр яҡлап һөнәрҙәрен күрһәтеп байрамды биҙәнеләр. Шапокляк, Яҙһылыу кисәбеҙҙең ҡунаҡтары булып, әсәй-өләсәйҙәрҙе, ҡыҙҙарҙы ҡотлап, уйындарын уйнатып, балаларға мөғжизәле сәскәләр бүләк итеп уларҙың кәйефтәрен тағы ла күтәрҙеләр. Байрам күңелле, сағыу, йылы атмосфералы, сюрпризлы моменттар менән уҙҙы.

Ҡәҙерле әсәй-өләсәйҙәр, ҡыҙҙар һеҙҙе етеп килгән байрам менән ҡотлайбыҙ. Яҙ ҡояшы кеүек балҡып, тирә-яҡҡа нурҙар һибеп йәшәгеҙ. Һеҙ бит донъяның йәме!