15 ҒИНУАР - ҠЫШЛАУСЫ ҠОШТАР КӨНӨ БИЛДӘЛӘНӘ

Бөгөн беҙ "Толпар" төркөмөндә бик ҡыҙыҡлы дәрес үткәрҙек. Балаларға беҙҙең яҡтарҙа ҡышлаусы ҡоштар тураһында фәһемле белешмә еткереп, ҡанатлы дуҫтарыбыҙ тураһында йомаҡтар ҡойоп, шиғырҙар уҡып, ҡоштарҙың кешеләргә булған файҙаһы, нимә менән туҡланғандарын асыҡлап, уларҙы нисек һаҡлау тураһында әңгәмәләштек. Һалҡын ҡыш көндәрендә ҡышлаусы ҡоштар аҙыҡ етешмәүҙән ныҡ яфалана, шуға ла ҡоштарға өҫтәмә туҡланыу урындары булдырырға кәрәк. Ҡоштар бит беҙҙең ҡанатлы дуҫтар, уларҙы һаҡлайыҡ!