"ҺАУМЫ, ҺАУМЫ, ӘКИӘТ!" КОНКУРСЫНЫҢ ЛОКАЛЬ ЭТАБЫ ҮТТЕ
Апрель 9, 2025
Просмотров: 111
Донъя халыҡтары әкиәттәрен башҡорт телендә һөйләү, йәш әкиәтселәрҙе үҫтереү, телмәр байытыу маҡсатында "Ҡурай" балалар баҡсаһында "Һаумы, һаумы, әкиәт!" конкурсының локаль этабы үтте.
Баҡсабыҙҙа кескәйҙәрҙең серле әкиәт һөйләүҙәре аша барыбыҙ ҙа үҙебеҙҙе сихри әкиәт донъяһындағылай хис иттек. Балалар туған телендә әкиәттәр тыңлап, хатта үҙҙәре шуларҙы күңелдәре аша кисереп, бәйән итеп үҫһә, бай рухлы, һутлы телле булырҙар, милләтебеҙ киләсәге ышаныслы ҡулдарға тапшырылыр.
Конкурста төрлө йәштәге тәрбиәләнеүселәр 3 номинацияла ҡатнаштылар. Һәр номинацияла еңеүселәр ҡала кимәлендә көстәрен һынайҙар. Еңеүселәргә уңыштар теләйбеҙ!