"ҺАУМЫ, ҺАУМЫ, ӘКИӘТ!" МУНИЦИПАЛЬ КОНКУРСЫНДА ҠАТНАШЫУСЫЛАРҘЫ ТӘБРИКЛӘҮ ТАНТАНАҺЫ ҮТТЕ

"Тирмәкәй" балалар баҡсаһында донъя халыҡтары әкиәттәрен башҡортса һөйләүселәрҙең "Һаумы, һаумы, әкиәт!" муниципаль конкурсында ҡатнашыусыларҙы тәбрикләү тантанаһы үтте.

Бәйгенең төп маҡсаты булып йәш әкиәтселәр мәктәбен үҫтереү, халыҡ ижады өлгөләрен һаҡлау һәм таратыу, мәҙәни мираҫҡа һаҡсыл һәм ихтирамлы ҡараш тәрбиәләү тора. "Ҡурай" балалар баҡсаһы тәрбиәләнеүселәре үҙҙәрен һынатманы. Һөйәрғолова Ралина (етәксеһе Хасаева Г.З.) "Әкиәтте яңғыҙ һөйләүселәр" номинацияһында II урын һәм "Әкиәтте сәхнәләштереү" номинацияһында "Аҡҡош" төркөмө тәрбиәләнеүселәре (етәкселәре - Рәсүлева Л.Н., Урмантаева Г.З., Гаитова З.Р) II урынға лайыҡ булдылар.

Уңышлы сығыш яһаған балаларҙы һәм уларҙың етәкселәрен ҡотлайбыҙ! Яңы үрҙәр һәм ижади табыштар теләйбеҙ!