ЙЫЛ ҺАЙЫН 3 ДЕКАБРҘӘ ИЛЕБЕҘҘӘ ИҪТӘЛЕКЛЕ ДАТА — БИЛДӘҺЕҘ ҺАЛДАТ КӨНӨ БИЛДӘЛӘНӘ

Был көн исемдәре билдәһеҙ ҡалған, әммә батырлыҡтары мәңгегә беҙҙең йөрәктәрҙә ҡаласаҡ һалдаттарҙың иҫтәлегенә бағышланған. Ни өсөн беҙ был көндө билдәләйбеҙ? Кескәй йәштәге балалар өсөн байрамдың әһәмиәтен ябай һүҙҙәр менән аңлатыу мөһим. Балаларға һөйләгәндә, күп кенә һалдаттар Тыуған Илебеҙҙе үҙ ғүмерҙәрен ҡурҡыныс аҫтына ҡуйып һаҡлаған, әммә ҡайһы берҙә геройҙарҙың исемдәре күп кенә алыштар араһында юғалған, тип әйтә алабыҙ. Беҙ тыныс күк йөҙө өсөн ғүмерен биргән яугирҙарҙың иҫтәлеген хөрмәтләйбеҙ.

"Шишмәкәй" төркөмө тәрбиәләнеүселәре менән Батырлыҡ тураһында һөйләштек, балаларға һуғыш геройҙары тураһында ябай тел менән һөйләп, батырлыҡ һәм ватанға һөйөүҙең мөһимлеген һыҙыҡ өҫтөнә алдым. Мәңгелек ут символикаһының һәм билдәһеҙ һалдатҡа һәйкәлдәрҙең әһәмиәте тураһында әңгәмә алып барҙым. Билдәһеҙ һалдат көнө илебеҙҙең үткәненә хөрмәт тәрбиәләүгә һәм үҫеп килгән быуында патриотизм тойғоһо тәрбиәләүгә ярҙам итә. Шуны иҫтә тотоу мөһим: һәр герой, исеме билдәһеҙ булһа ла, беҙҙең хөрмәтебеҙгә һәм рәхмәтебеҙгә лайыҡ. Балаларыбыҙ бөйөк илдең лайыҡлы граждандары булып үҫһен, үҙ халҡының тарихын хәтерләһен һәм хөрмәт итһен!